Новости

Известување

Ги известуваме граѓаните на општина Дојран дека Владата на Република Северна Македонија на својата 15-та редовна седница донесе одредени заклучоци кои се однесуваат на превенцијата од ширење на корона вирусот.

Истите потребно е да се почитуваат и од страна на физичките и правните лица на територијата на Општина Дојран:

· Да се заострат мерките и активностите за превенција од ширење на корона вирусот.

· Да се прекине со воспитно – образовниот процес и наставата во сите детски градинки, основни и средни училишта и високо – образовни установи и во јавните научни институти на територијата на Република Северна Македонија, во наредните 14 дена. Се прекинуваат и сите воншколски или дополнителни програми како што се курсеви за странски јазици и слично.

· За спроведување на оваа мерка еден од родителите на децата до 10 години, што ќе бидат ослободени од обврската да одат во градинките или да ја следат наставата, ќе бидат ослободени и од обврската да ги извршуваат работните обврски.

· Да се забранат масовни собири и настани на отворен и затворен простор, како и сите културни настани и манифестации на територијата на Република Северна Македонија, со над 1000 учесници, во наредните 14 дена. Владата препорачува неодржување на јавни настани на кои се очекува присуство до 1000 учесници.

· Да се забрани присуство на гледачи (публика) на сите спортски настани на територијата на Република Северна Македонија, во наредните 30 дена.

· Да се воведе задолжителна самоизолација на сите лица кои доаѓаат од високо и средно ризичните држави, во период од 14 дена (согласно листата на Светската здравствена организација). · Да се препорача на возрасните и високоризичните категории на граѓани со хронични болести да го намалат своето движење и да го избегнуваат јавниот превоз.

· Да се препорача избегнување на патување во земји кои се од висок и среден ризик, согласно листата од Светската здравствена организација.

· Физичките и правните лица што не ги почитуваат и кои ги прекршуваа препораките ќе бидат казнети согласно член 205 и 206 од Кривичниот законик.

· Целосно да се почитуваат мерките за превенција од оваа болест, упатени од Министерството за здравство кои се однесуваат на засилени хигиенски мерки.

Известување

Почитувани граѓани,

 

Постапувајќи по најновите препораки на Владата за преземање дополнителни и заострени мерки и активности за превенција од ширење на КОВИД-19 (корона вирусот)  согласно информацијата на Управничикот комитет за координација и управување во системот за управување со кризи и на препораките на Комисијата за заразни болести на Министерството за здраство, Општина Дојран  ви препорачува:

 

1.Сите потреби услуги и барања од службите на Општина Дојран да ги извршувате  преку телефон од 07:30 до 15:30 часот или преку електронска пошта (email) – dojran@t.mk

ФИКСЕН ТЕЛЕФОН (ЦЕНТРАЛА): 034/225-278

УРБАНИЗАМ: Блажо Катранџиев -071-207-383

Мито Велчев: 070-328-125

СМЕТКОВОДСТВО И ФИНАНСИИ: Катерина Тунева:070-355-679

Никола Бојаџиев: 071-329-435

АРХИВА: Милка Ајцева: 071-207-381

 

ДАНОЦИ: Љупчо Кадиев : 071-207-384

 

ПРАВНА СЛУЖБА: Дарко Качаков: 071-207-382

Раководителите ќе ги примат вашите прашања и проблеми и ќе ве упатат во понатамошна постапка.

СЕ НАДЕВАМЕ НА ПОЧИТУВАЊЕ НА ПРЕПОРАКИТЕ

И БЛАГОДАРИМЕ ЗА СОРАБОТКАТА

 

ОПШТИНА ДОЈРАН

Градоначалник

Анго Ангов

Набавка на образовни помагала

Во рамки на годишниот план за работа на Комисијата за еднакви можности предвидена е набавка на образовни помагала за деца со посебни потреби во О.О.У “Кочо Рацин” Нов Дојран. Децата со пречки во развојот имаат исти основни физиолошки, социјални и емоционални потреби како и другите деца. Вклучувањето во редовните училишта ќе им овозможи рамноправен однос од страна на општеството. Идејата за рамноправност помеѓу женскиот и машкиот пол се учи од најрана возраст и токму затоа во секоја годишна програма, Координаторот за еднакви можности, Магда Ангова како приоритетна целна група за работа ги става токму децата од предучилишна и училишна возраст. Комисијата за еднакви можности изминатата година одреди финансиски средства за набавка на детски играчки во ЈОУГД “Кокиче” Нов Дојран и беа организирани обуки за родово ненаслиство и толеранција во училиштата. Грижата за најмладите продолжува и останува приоритетна област во работењето на општинската администрација.
#децатапредсе #родоваеднаквост #учимезародоватаеднаквост

Демант до Комисија за локална самоуправа на ВМРО – ДПМНЕ

Демант до Комисија за локална самоуправа на ВМРО – ДПМНЕ

         

По повод написот на 21.01.2020 во порталот kurir.mk, вест со наслов “Власта пред избори им ја продава водата на дојранчани” испраќаме демант до комисијата на ДПМНЕ дека ова е јавно приватно партнерство, а не продажба на водата. Водата не може да биде предмет на продажба, ниту законот тоа го дозволува. Ова е концепт на јавно приватно партнерство за подобрување на услугите на граѓаните.

Додека некој го крадеше и урнисуваше ЈПКД, друг се обидува да изнајде решение за долговите кои ги оставија, празниот буџет и лошиот имиџ кој го демне јавното комунално претпријатие во Дојран. Доказ за тоа се судските постапки кои се водат за криминалот во јавното претпријатие “Комуналец” Стар Дојран.

Додека некој носеше одлуки без да го праша народот, некој му дава право и можност самиот да одлучи и избере за крупни одлуки во општината по пат на референдум. Затоа што гласот и зборот на граѓаните се најважни за нас.

Уште еднаш нагласуваме дека ова е надпартиска работа и политиката не треба да се меша. Сите граѓани на општина Дојран се тие кои одлучуваат, а не партиските штабови. Да им дозволиме на граѓаните сами да одлучат. Нашата работа е само да го образложиме концептот. Затоа ги повикувам партиските структури и Претседателот на општинската организација на ДПМНЕ, сите членови на Советот и Претседателот на Советот да излеземе заедно, да го образложиме концептот и да ги оставиме граѓаните сами да одлучат без никакви партиски притисоци.

 

        

Агрометеоролошки станици за заштита на земјоделските култури и животната средина

Во рамките на проектот „Агрометеоролошки станици за заштита на земјоделските култури и животната средина“ Центарот за развој на Југоисточниот плански регион организира информативни денови за користење на нови методи во земјоделството и подигање на свеста на земјоделските производители за прекуумерното третирање на почвата.

 Во рамките на проектот поставени се 23 Агрометеоролошки станици во сите општини од Југоисточниот регион кои ќе овозможат брз и современ начин за добивање на потребните податоци со цел да се извршуваат соодветни мерки за управување со земјоделските култури, а истовремено и заштита на животната средина преку намалување на процентот на третирање на почвата.

 Се повикуваат сите земјоделски производители и заинтересирани страни да земат учество на информативните денови и да се информираат за начинот на добивање на бесплатни временски информации (влажност и температура на воздух, правец и брзина на ветер, сончева радијација, влажност и температура на почва, влажност на лист и прогноза на болести).

 

Распоред на информативни денови:

За О.Валандово и О.Дојран

Датум: 16.01.2020 (четврток)

Време: 12:00 часот

Локација: Дом на Култура „25ти Мај“, Валандово

Проектот го имплементира Центарот за развој на Југоисточниот плански регион во соработка со сите општини од регионот со финансиска поддршка од Министерството за локална самоуправа и Швајцарската Агенција за развој и соработка.

 

Одлука за започнување постапка за доделување договор за воспоставување на јавно приватно партнерство

Советот на општина Дојран на седница одржана на 30.12.2019та година донесе одлука за започнување постапка за доделување договор за воспоставување на јавно – приватно партнерство за финансирање, проектирање, стопанисување, одржување, изградба, реконструкција и обнова на системот за водоснабдување и третман на отпадни води во општина Дојран.

Одлука за распишување на референдум на локално ниво

Советот на Општина Дојран распишува референдум за подрачјето на општината Дојран заради изјаснување на граѓаните за доделување договор за јавно приватно партнерство за комуналните услуги, снабдување со вода за пиење на населението во општина Дојран, одведување на урбани отпадни води и третман на урбани отпадни води во општина Дојран.

На референдумот на локално ниво граѓаните на општината Дојран ќе треба да се изјаснат за прашањето:

“Дали сте ЗА или ПРОТИВ доделување на договор за јавно приватно партнерство за услугите, снабдување со вода за пиење, одведување наурбани отпадни води и третман на урбаните отпадни води во општина Дојран.

 

Состанок за проектот “Подобрување на биодиверзитетот на Дојранското eзеро преку соработка со сите општествени чинители и спроведување на екосистемски практики”

На 13.12.2019 во просториите на Општина Дојран градоначалникот одржа работен состанок со Петра Поп Ристова, доктор по природни науки, претставник од Милиеуконтакт Македонија и координатор на проектот “Подобрување на биодиверзитетот на Дојранското Езеро преку соработка со сите општествени чинители и спроведување на екосистемски практики” што ќе се спроведува во рамките на заштитеното подрачје. Проектот е финансиран од Партнерскиот фонд за заштита на критичните екосистеми (ЦЕПФ). Партнерскиот фонд за заштита на критичните екосистеми е заедничка иницијатива на Француската агенција за развој, Меѓународното здружение за конзервација на природата, Европската Унија, Глобалниот еколошки фонд, Владата на Јапонија и Светската Банка. Основната цел на ЦЕПФ е обезбедување на учеството на граѓанските заедници во конзервацијата на биодиверзитетот. Проектот го спроведува Здружението за одржлив развој Милиеуконтакт Македонија, во партнерство со Општина Дојран и здружението на граѓани Полимат 13 од Богданци, во времетраење од две години, односно до Јули 2021.
Главна цел на проектот е да се воспостави одржливо управување со Споменикот на природата Дојранско Езеро. Проектот вклучува активности за директна конзервација на дефинирани локации, со цел подобрување на заштитата на загрозените видови. Овој проект е насочен кон решавање на прашањата кои се однесуваат на квалитетот на езерската вода, обемот и текот на водата, како и нарушувањето на видовите и живеалиштата.
Проектот содржи две главни компоненти, односно:
1) Подобрување на управувањето со Споменикот на природата Дојранско Езеро, и
2) Оддржливо управување, заштита и рехабилитација на езерото преку имплементација на екосистемски практики.

На состанокот се разговараше за развивањето на првиот План за управување со заштитеното подрачје Дојранско Езеро (2020 – 2030) со акциски план, што претставува една од активностите на овој проект, која ќе биде реализирана во соработка со сите засегнати страни. Дополнително, во склоп на проектот ќе бидат спроведени и обуки за јакнење на капацитетите на локалната администрација за негово спроведување и едукација за Интегрирано управување со речни сливови. На состанокот исто така се дискутираше за рехабилитација на поплавената пешачка патека, потребите за унапредување на пречистителната станица, како и за подобрување на управувањето со Дојранското Езеро преку блиска соработка со грчките управувачки органи.