Новости

Дојран добитник на најголемиот грант од 1,5 милиони евра

Општина Дојран го доби проектот со наслов “Дојран – Туристички бисер на Југоисточна Македонија“. Проектот беше аплициран преку програмата ПЛРК, финансиран од ЕУ и Владата на Р.М, а администриран по правилата на Светска Банка.

Проектот содржи:
– Партерно и хортикултурно уредување на сите паркови и зеленила од Вила на Влада на Р.М до летната сцена, односно училиштето во Стар Дојран;
– Реконструкција на летна сцена и уредување околу истата;
– Пристапен пат до летната сцена;
– Пристапен пат до фронтовата линија од Првата Светска Војна и конечно ставање во функција на Фронтовата линија;
– Дојран SAVE City, систем за утврдување на точен број на влез и излез на возила;
– Изработка на видео спотови и промотивни материјали за промоција на Дојран;
– Маркетинг кампања за Дојран која ќе се спроведува во соседните држави за поголема промоција и поголем број на странски туристи.

Потпишан договор за соработка со Општина Свиштов

Градоначалникот на Општина Дојран заедно со неговиот колега од Општина Свиштов, Република Бугарија денес потпишаа меморандум за соработка. Меморандумот има за цел продлабочување на соработката помеѓу двете општини, зголемена промоција на Општина Дојран на бугарскиот пазар и подобри туристички понуди за граѓаните од двата града. Градоначалникот на Свиштов, Генчо Генчев изрази големо задоволство што е гостин во Општина Дојран и го покани градоначалникот Ангов да ја возврати посетата во Свиштов, Република Бугарија.

Работна средба со Амбасадорот на Р. Франција во Р. Македонија, г-дин Кристијан Тимоние.

Градоначалникот Ангов денес оствари работна средба со Амбасадорот на Р. Франција во Р. Македонија, г-дин Кристијан Тимоние.

Амбасадорот покажа особен интерес за историјата на Дојран, фронтовата линија од Првата Светска Војна и изрази желба за соработка во областа на историскиот туризам.
Градоначалникот и Амбасадорот разменија мислења и идеи за развој на културата во Општина Дојран, уметноста, алтернативниот туризам, а секако беше разговарано и за можноста нашата општина да користи средства од ЕУ фондовите и останати фондови кои нудат грантови и средства за развој на општините. 


Амбасадорот изјави дека е воодушевен од природниот потенцијал на општината и најави дека ќе присуствува на прославата на 5ти Ноември, денот на ослободувањето на Дојран. Исто така, тој изјави дека следната посета ќе ја искористи за да го посети основното училиште “Кочо Рацин” во Нов Дојран за да види како се одвиваат часовите по француски јазик
Соработката на Општина Дојран со Амбасадата на Р. Франција ќе се интензивира во наредниот период на заедничко задоволство на двајцата соговорници, а во интерес на граѓаните на Дојран.

Одбележан европскиот ден на соработката

До пред некој месец, заради долг од 150 илјади евра Дојран висеше од програмата за прекугранична соработка со Грција финансирана од ЕУ. Но сега ова  мала општина ќе инсталира мерни станици за квалитетот на водата со лабаратории и ќе набави брод за сечење на езерската трска а ќе се гради  и биогасна централа за енергија вредни милион евра.

„Ова е пример како две соседни држави може да соработуваат и работат за доброто на граѓаните. Убеден сум дека животот е подобар ако се живее со разбирање и позитивен поглед на работите и со добри пријатели. Дојран е симбол на пријателство, надеж и просперитет“ – изјави Анго Ангов, градоначалник на Дојран.

Решавање на проблемите и потребите на граѓаните во прекуграничните региони само ја зацврстува соработката помегу две држави и тоа е иднината на ЕУ, истакна Алксандрос Самарас од управувачкото грчко тело за спроведување на програмата за прекугранична соработка на ЕУ меѓу Грција и Македонија.

„Иднината на ЕУ е дасе ибегне нејзино втиснување и понатамошно продлабочување. Продолжуваме да ги отстрануваме бариерите. Нашата цел е да ги изградиме и зајакнеме прекѕгранилните врски и да се фокусираме на балансиран развој на двете страни на границата.“ – изјави Александрос Самарас, управувачко тело за ЕУ проекти.

Во Дојран беше одбележан Европскиот ден на соработката а според министерот за локална самоуправа Сухјел Фазлиу програмата за прекугрнична соработка создава  јасни перспективи за членство во ЕУ.

„Тие се во секојдневна комуникација. Соработката е воспоставена и благодарение на заедничките проекти кои се финансираат со сретства од ИПАРД програмата на ЕУ.“ – изјави Сухјел Фазлиу – министер за локална.

Досега од програмата за прекугрнаична соработка со Грција во земајва искористени се 15 милиони евра за реализација на 40 тина проекти. Вториот јавен повик ќе тежи 45 милиони евра.

Делегација од Општина Тројан во посета на Општина Дојран.

Договорот за збратимување на двете општини е потпишан во 2003та година, но за жал изминатите неколку години соработката и контактите помеѓу Дојран и Тројан не биле одржувани.

Со денешната средба помеѓу Градоначалникот и претставниците од општината Тројан беше договорено соработката да се интензивира, да се размислува за заеднички економски напредок и инвестирање во туризмот и културата.

Од страна на гостите беше потенцирано дека голем дел од Бугарските граѓани се заинтересирани за прошетки и туризам во нашиот Дојран. Општината во иднина посериозно ќе пристапи кон промоција и презентација на Дојран во соседна Република Бугарија.

Градоначалникот Ангов беше гостин во Бугарската Амбасада во Македонија

На покана на Амбасадорката на Р. Бугарија во Р. Македонија, Даниела Будинова, Градоначалникот Ангов беше гостин во резиденцијата на Бугарската Амбасада во Македонија.

На работната средба со г-ѓа Будинова и нејзините соработници од Амбасадата беше разговарано за поголема промоција на Дојран помеѓу бугарските туристи кои би сакале да го посетат нашето место, за инвестиции во Дојран и продолжување на туристичката сезона со креирање интересна понуда примамлива за нашите источни соседи.

Исто така, соговорниците се согласија дека заедничка презентација на европскиот пазар ќе биде од интерес на двете страни.

Набрзо Амбасадорката Даниела Будинова ќе биде официјален гостин во Општина Дојран и детално ќе ги разгледа можностите, капацитетите и природните убавини кои ги нуди нашата општина.