Во Општина Дојран пристигна нова механизација, обезбедена со поддршка од Министерството за локална самоуправа, во вкупна вредност од 4.000.000 денари.
Механизацијата опфаќа:
- трактор,
- хидрауличен мулчер,
- мулчер со кардан,
- косилка,
- приколка и
- мини багер
Оваа опрема значително ќе ја олесни работата на комуналното претпријатие и ќе овозможи зголемување на капацитетот за одржување на јавните површини на територијата на целата општина.
Механизацијата ќе се користи за расчистување на бујната вегетација покрај главниот пат и кејот, одржување на улиците, како и за косење и уредување на тревните површини во сите населени места во Општина Дојран.
„Со оваа инвестиција вложуваме во почиста, поуредна и поубава општина, а воедно создаваме услови за подобри и поефикасни комунални услуги за сите наши сограѓани.
Упатувам голема благодарност до Министерството за локална самоуправа за поддршката и оваа значајна инвестиција во Општина Дојран.
Нашата обврска е оваа механизација одговорно да ја одржуваме и максимално корисно да ја користиме — во интерес на граѓаните и за подобар Дојран.
Продолжуваме посветено да работиме за нашата општина.“-изјави градоначалникот на општина Дојран, Илија Тентов.
