ДОЈРАН ОПЕН – СПОРТОТ Е МОСТ КОЈ ПОВРЗУВА!Во организација на Карате клубот „Дојран“, со поддршка на Општина Дојран, се одржа меѓународниот карате турнир „Дојран Опен – Dojran Open“, по повод 5 Ноември – Денот на ослободувањето на Дојран.
Настанот обедини млади каратисти, тренери и љубители на спортот, кои имаа можност да ги покажат своите знаења, спортски вештини, дисциплина и борбен дух, но и да споделат искуства, да создадат нови пријателства и убави спомени.
Овој турнир претставува уште една потврда дека спортот е многу повеќе од натпреварување – тој е начин за поврзување, дружење, меѓусебно почитување и градење здрави навики кај младите генерации.
Општина Дојран продолжува со поддршката на спортските активности и иницијативи кои придонесуваат за развој на спортот, афирмација на младите таленти и промоција на Дојран како место кое ги обединува спортот, младоста и позитивните вредности.
Упатуваме искрена благодарност до организаторот, Карате клубот „Дојран“, до сите учесници, тренери, гости и поддржувачи, за нивниот придонес во успешната реализација на овој спортски настан.
Честитки до сите натпреварувачи за постигнатите резултати, вложениот труд и спортскиот дух!
Спортот ги обединува луѓето, а вложувањето во младите е вложување во иднината!
