Почитувани претприемачи и угостители од Општина Дојран!

Со големо задоволство ве информираме дека Општина Дојран ќе учествува на престижниот 47ми Меѓународен саем за туризам во Белград, кој ќе се одржи во периодот од 19 до 22 февруари 2026 година во просториите на Белградскиот саем.

Овој саем е еден од најголемите и најзначајни туристички настани во Југоисточна Европа, каде што се собираат стотици изложувачи, туристички организации, хотели, агенции и професионалци од целиот континент за да се претстават најновите трендови, дестинации и можности во туризмот. 

📊 Зошто е важен саемот?

✔️ Место каде што се дефинираат туристичката сезона и трендовите за годината

✔️ Учествуваат голем број гости и експерти од повеќе земји

✔️ Промовирање на дестинации, сместувачки капацитети и промотивни пакети

✔️ Одлична B2B (бизнис-кон-бизнис) платформа за вмрежување и раст на вашиот бизнис.

Ги покануваме угостителите, сопствениците на соби и апартмани, хотелиерите и сите што сакаат да го промовираат својот туристички бизнис и работат на територијата на општина Дојран да ги достават своите промотивни материјали (летоци, брошури, каталози) во просториите на Општината најдоцна до 17 февруари (вторник). 

Ова е одлична шанса да бидете дел од централниот туристички настан оваа сезона, да го подигнете профилот на вашата понуда и да ја проширите вашата мрежа на контакти.