Месец: м.г

Состанок за проектот “Подобрување на биодиверзитетот на Дојранското eзеро преку соработка со сите општествени чинители и спроведување на екосистемски практики”

На 13.12.2019 во просториите на Општина Дојран градоначалникот одржа работен состанок со Петра Поп Ристова, доктор по природни науки, претставник од Милиеуконтакт Македонија и координатор на проектот “Подобрување на биодиверзитетот на Дојранското Езеро преку соработка со сите општествени чинители и спроведување на екосистемски практики” што ќе се спроведува во рамките на заштитеното подрачје. Проектот е финансиран од Партнерскиот фонд за заштита на критичните екосистеми (ЦЕПФ). Партнерскиот фонд за заштита на критичните екосистеми е заедничка иницијатива на Француската агенција за развој, Меѓународното здружение за конзервација на природата, Европската Унија, Глобалниот еколошки фонд, Владата на Јапонија и Светската Банка. Основната цел на ЦЕПФ е обезбедување на учеството на граѓанските заедници во конзервацијата на биодиверзитетот. Проектот го спроведува Здружението за одржлив развој Милиеуконтакт Македонија, во партнерство со Општина Дојран и здружението на граѓани Полимат 13 од Богданци, во времетраење од две години, односно до Јули 2021.
Главна цел на проектот е да се воспостави одржливо управување со Споменикот на природата Дојранско Езеро. Проектот вклучува активности за директна конзервација на дефинирани локации, со цел подобрување на заштитата на загрозените видови. Овој проект е насочен кон решавање на прашањата кои се однесуваат на квалитетот на езерската вода, обемот и текот на водата, како и нарушувањето на видовите и живеалиштата.
Проектот содржи две главни компоненти, односно:
1) Подобрување на управувањето со Споменикот на природата Дојранско Езеро, и
2) Оддржливо управување, заштита и рехабилитација на езерото преку имплементација на екосистемски практики.

На состанокот се разговараше за развивањето на првиот План за управување со заштитеното подрачје Дојранско Езеро (2020 – 2030) со акциски план, што претставува една од активностите на овој проект, која ќе биде реализирана во соработка со сите засегнати страни. Дополнително, во склоп на проектот ќе бидат спроведени и обуки за јакнење на капацитетите на локалната администрација за негово спроведување и едукација за Интегрирано управување со речни сливови. На состанокот исто така се дискутираше за рехабилитација на поплавената пешачка патека, потребите за унапредување на пречистителната станица, како и за подобрување на управувањето со Дојранското Езеро преку блиска соработка со грчките управувачки органи.

Покана за доставување на понуди – Изведба на градежни работи за реконструкција на летна сцена и партер, пристапна улица и рекреативна зона во Општина Дојран

ВАЖНО: Документите превземете ги од официјалниот повик ОВДЕ.

 

Потпроект: „ Дојран – Туристички бисер на Југоисточна Македонија“– Општина Дојран
Потпроект бр: LRCP-1/18-SG-38
Наслов на договорот: Изведба на градежни работи за реконструкција на летна сцена и партер, пристапна улица и рекреативна зона во Општина Дојран
Референтен бр.: LRCP-1/18-SG-38-NCB/1

  1. Општина Дојран доби подгрант средства од Европската унија во рамките на подгрантовата шема на проектот „Локална и регионална конкурентност“ финансиран од ИПА 2 доверителскиот фонд на Европската унија (aдминистриран од Светска банка) и има намера дел од добиените средства од овој подгрант да ги искористи за плаќања по договор за: Изведба на градежни работи за реконструкција на летна сцена и партер, пристапна улица и рекреативна зона во Општина Дојран.
  2. Кабинетот на Заменик Претседателот задолжен за економски прашања и координација со економските ресори/Општина Прилеп објавува покана за доставување на запечатени понуди од прифатливи понудувачи за Изведба на градежни работи за реконструкција на летна сцена и партер, пристапна улица и рекреативна зона во Општина Дојран.
  1. Процесот на понудување ќе се спроведе согласно методот “Национално  јавно наддавање” согласно  Упатството на Светска банка: Набавка со средства добиени од IBRD Заеми и IDA Кредити, јануари 2011 година, ревидирано јули 2014 година(„Упатства за набавки“) и е отворен за сите прифатливи понудувачи како што е наведено во Упатствата за набавки. Исто така, погледнете ги параграфите 1.6 и 1.7 за политиката на Светска банка за судир на интереси.
  2. Заинтересираните прифатливи понудувачи можат да добијат дополнителни информации од Единицата за спроведување на проектот „Локална и регионална конкурентност во текот на работното време од 09:00 до 16:00 часот на адресата дадена подолу.
  3. Целосната тендерска документација е достапна на веб страната на Проектот за локална и регионална конкурентност: www.lrcp.mk.
  4. Понудите мора да се достават на адресата дадена подолу. Електронско наддавање нема да биде дозволено. Задоцнетите понуди ќе бидат одбиени. Понудите ќе бидат јавно отворени во присуство на назначени претставници на понудувачите и сите што ќе изберат да присуствуваат на адресата дадена подолу во 08.01.2019 во 12:00 часот.
  5. Сите понуди мора да бидат придружени со Гаранција за понуда во износ МКД 1.100.000.
  6. Адреса за контакт и доставување на понудите е:

Единица за спроведување на проектот
„Проект за локална и регионална конкурентност“
Адресирано до: Оливера Кржовска
ул. Мирослав Крлежа бр.60/1, 1000 Скопје
Тел: +389 2 3280 457
E-пошта: olivera.krzhovska@lrcp.org.mk

Военото атеше на В. Британија во посета на Дојран

Военото атеше на Велика Британија г-дин Andrew Layton беше во посета на Општина Дојран.
На состанокот помеѓу военото атеше и градоначалникот на Општина Дојран, Анго Ангов беше разговарано за тековните и идни проекти кои ќе се реализираат во Дојран и можноста за соработката и помош од страна на военото атеше во нашата општина.