Дојран гурман фест 2022
Песната, музиката, дружењето и споделувањето убавини не признаваат разлика во годините, ниту пак се важни временските прилики. Тоа се докажа и синоќа, на манифестацијата “Гурман фест”посветена на дојранската софра, музика и култура.
Она што е многу поважно од сите надворешни фактори е празнувањето и одбележувањето на народниот мелос, чувањето и негувањето на македонската етно традиција, музичкото творештво и нашата дојранска културна ризница, ризница која не обединува, ни е заедничка нишка, не зближува и преку ваквиот вид на манифестации ја чуваме традицијата на Дојран од заборав.
Токму таква музичка ревија му доликува на Дојран, еден од најопеаните градови во Македонија и соседството.
“Мерак меана” заедно со инзворедните артисти докажаа зошто го заслужуваат медиумското внимание кое им се посветува.
Професионалци во музиката, изведбата, сценскиот настап.
Здружението на жени“ Дојрана” и овој пат ги покажаа неверојатните кулинарски способности. Ние како домаќини, но и многубројните гости, вљубеници во автентичните вредности беа воодушевени од разновидноста и богатството на трпезата. Рибата подготвена на мал милион начини му даде посебен белег на настанот.
Може да се заклучи дека се на се, манифестацијата беше за паметење. Дружба, песни, ора, насмеани и ведри лица. Дожд на отворено, но сонце и радост во душите.
Дојран, те сакаме, вчера и денес и засекогаш – ќе ги одбележуваме значајните работи кои ги носиш како белег, затоа што ти тоа заслужуваш.
