ЈАВЕН ПОВИК
Општина Дојран ги повикува граѓаните кои имаат причинета материјална штета настаната како последица на ниските температури и појавата на слана, врнежи од град која го зафати подрачјето на Општина Дојран во месец март, април и месец мај 2025 година, да ја пријават штетата до Општинската Комисија за процена на штети од елементарни непогоди.
Барањето за пријавување на штета пополнето со бараните податоци и документи се доставува до Архивата на Општина Дојран на ул.,,Кеј 5-ти Ноември,, бр.1, најдоцна до 10.06.2025 година.
Во Барањето потребно е да се опише настанатата штета и точната локација која се пријавува.
Во прилог на Барањето, подносителот треба да достави:
- копија од лична карта;
- копија од трансакциска сметка;
- доказ за сопственост/користење на недвижен имот (имотен лист, договор за закуп);
- пријава на штета*;
- изјава за штета*;
- изјава дека имотот не е осигуран*;
Пријавувањето на штетите може да се изврши во рок од 9 (девет) дена, односно најдоцна до 10.06.2025 година.
Барањата ќе бидат обработени од страна на Општинска комисија за процена на штети од елементарни непогоди и ќе биде изготвен Првичен Извештај, кој ќе биде проследен до Советот на Општина Дојран и до Влада на Република Северна Македонија.
ОПШТИНА ДОЈРАН
Општинска комисија за процена на штети од елементарни непогоди
