Општина Дојран денеска се вклучи во пролетниот дел од најголемата акција за чистење „Генералка викенд 2023”

Во акцијата се вклучија вработените во општина Дојран, учениците и наставниците од ООУ „Кочо Рацин“-Нов Дојран, Здружение на жени „Дојрана“, Здружение на пензионери Дојран, ЈПКД „Комуналец-Полин“ и добронамерни граѓани и посетители на Дојран. Особена чест ни претставува што на акцијата се приклучи и пратеничката Драгица Ѓавочанова.

Акцијата со чистење се одвиваше на неколку локации во градот која имаше цел да се подигне јавната свест за собирање и рециклирање на отпадот и позитивно зачувување на животната средина.

ГЕНЕРАЛКА ВИКЕНД инспирира промени, повикува на единство за нешто што е важно и во заеднички интерес на сите нас, а тоа е чист воздух, чиста почва и чиста вода.