ООУ „Кочо Рацин“- Нов Дојран
Во ЕЛС Дојран има едно основно училиште чијашто главна училишна зграда е лоцирана на ул. „Моша Пијаде“ бр. 14 во Нов Дојран. Во состав на основното училиште се и пет подрачни училишта во населените места: Стар Дојран, Николиќ, Фурка, Црничани и Ѓопчели со вкупно 267 ученици од I-IX одделение, запишани во учебната 2022/23 година и 33 наставници.
Од I – V одделение наставата се одвива во подрачните училишта, додека наставата за учениците од VI - IX одделение се одвива во централното училиште во Нов Дојран.
Училиштето располага со 16 училници, 9 специјализирани кабинети за предметна настава, библиотека, спортска сала, спортски игралишта, трпезарија со кујна, наставнички кабинети и канцеларии за персонал, како и инклузивна просторија за деца со посебни образовни потреби. Сите училници и кабинети се опремени со стандардни училишни табли, проектори и смарт – табли. Секој од специјализираните кабинети располага со соодветна опрема за предметот, кој во него се изучува.
Линкот на официјалната страна на училиштето: http://ooukocoracindojran.edu.mk/web/%d0%b7%d0%b0-%d1%83%d1%87%d0%b8%d0%bb%d0%b8%d1%88%d1%82%d0%b5%d1%82%d0%be/
ЈОУГД „Кокиче“ Дојран
ЈОУДГ Кокиче Дојран е прва градинка на територијата на о.Дојран. Отворена на 11.11.2014год., со седиште на ул. Антон Панов бр.24 во Нов Дојран, градинката е проектирана да згрижува 50 деца. Моментално градинката го надминува проектираниот капаците и згрижува 60 дечиња. Истите се распоредени во 3 групи, со нив работат воспитувачи и негуватели, кои се трудат секојдневно да ги згрижат и воспитат дечињата.
Институцијата во последните години расте и по број на дечиња, по површина и по стручност. Истата како што рековме го надмина проектираниот капацитет - по број на дечиња, се прошири за 85м2 - по површина, а во тек е и отварање на стручна служба, со која ќе раководи нашиот логопед. Градинката работи секој ден од 06-16ч. во текот на целата година. Во градинката се приготвуваат и оброци за нашите најмили, во сопствена кујна. Целта на нашата градинка е да излезе во пресрет на сите родители, да ги згрижи и воспита сите дечиња и да создаде едни насмеани, среќни дечиња полни со љубов.
Линк на фејсбук страната на градинката:
Контакт:
