АД Електрани на Северна Македонија планира изградба на Парк на ветерни електрани Богданци – Фаза II со очекуван капацитет од 13,2 MW во општина Богданци, Република Северна Македонија. Овој проект е дел од Планот за развој и инвестиции на ЕСМ и ќе биде продолжение на постојниот Парк на ветерни електрани, која има инсталирана моќност од 36,8 МW и е прв ваков објект во РСМ што го користи ветерот како погонска сила за производство на електрична енергија. Овој проект ќе ги поддржи националните напори за зголемување на учеството на обновливите извори на енергија во вкупното производство на електрична енергија, намалување на негативното влијание на производство на енергија врз животната средина и здравјето на луѓето, како и да се обезбеди одржлив развој на заедниците.
Подолу се прикачени брошурата и формуларот за поплаки и истите може да ги симнете.
