Дојран викендов е меѓународен карате центар со организирањето на првиот меѓународен карате турнир „Dojran Open 2023″ на кој учество ќе земат девет држави од регионот.

На турнирот ќе учествуваат над 400 натпреварувачи од 54 клубови од државата и регионот. Организатор на овој голем спортски настан е карате клубот ,,Дојран” од Дојран, во соработка со општина Дојран.

Навистина сме среќни што овој клуб за многу кратко време успеа да се закити со многу успеси на домашни и меѓународни турнири.

Општина Дојран секогаш ги препознава добрите проекти и секогаш ќе дава максимална поддршка особено кога се работи за најмалите, а успесите се очигледни и сите ние се гордееме со нив.

На сите учесници им посакуваме многу успех.